Qaydalar və Şərtlər

1. Ümumi Şərtlər

guideglobal.org ünvanında yerləşən Mədəniyyətlərarası Dialoq naminə Qlobal İttifaqın (bundan sonra "GUIDE", "biz", "bizi" və ya "bizim" adlandırılacaq) rəsmi veb-saytına (bundan sonra "Veb-sayt" adlandırılacaq) daxil olmaq və ondan istifadə etməklə, bu Şərtlər və Qaydaları (bundan sonra "Şərtlər" adlandırılacaq) oxuduğunuzu, anladığınızı və onlara əməl etməyə razı olduğunuzu təsdiq edirsiniz.

Bu Şərtlər, girişin kompüter, mobil cihaz və ya internetə qoşulmuş hər hansı digər cihaz vasitəsilə əldə edilməsindən asılı olmayaraq, Veb-saytın bütün istifadəçilərinə şamil edilir və Veb-sayt və GUIDE Üzvlük Portalı (bundan sonra "Portal" adlandırılacaq) vasitəsilə təqdim edilən bütün məzmuna, funksiyalara, xidmətlərə, qeydiyyat alətlərinə, formalara və kommunikasiyalara girişi və onlardan istifadəni tənzimləyir. GUIDE yenilənmiş versiyanı Veb-saytda dərc etməklə vaxtaşırı olaraq bu Şərtləri yeniləyə bilər. Hər hansı belə yenilənmədən sonra Veb-saytdan istifadəyə davam etməyiniz yenilənmiş Şərtləri qəbul etdiyiniz anlamına gəlir.

2. GUIDE haqqında

Mədəniyyətlərarası Dialoq naminə Qlobal İttifaq (GUIDE) Azərbaycan Respublikasında qeydiyyatdan keçmiş qeyri-hökumət təşkilatıdır. GUIDE Bakı Prosesinin katibliyi kimi fəaliyyət göstərir və milli, regional və beynəlxalq səviyyələrdə mədəniyyətlərarası dialoqu, mədəni müxtəlifliyi və qarşılıqlı anlaşmanı təşviq etmək üçün çalışır.

Veb-sayt GUIDE və Bakı Prosesi haqqında məlumat vermək, GUIDE-ın proqram və təşəbbüslərinə çıxışı təmin etmək, üzvlük və iştirak üçün müraciətləri asanlaşdırmaq, rəqəmsal resurslara və alətlərə çıxış vermək, eləcə də GUIDE-ın qlobal tərəfdaşlar, üzvlər və nümayəndələr şəbəkəsi ilə kommunikasiyanı dəstəkləmək məqsədilə yaradılmışdır.

3. Əsas anlayışlar

Bu Şərtlərin məqsədləri üçün:

İstifadəçi və ya Siz dedikdə Veb-sayta və ya Portala daxil olan və ya ondan istifadə edən hər hansı şəxs nəzərdə tutulur.

Məzmun Veb-saytda və ya Portal vasitəsilə təqdim edilən bütün mətn, sənəd, təsvir, video, qrafika, loqo, məlumat və digər materialları əhatə edir.

Portal dedikdə, istifadəçilərin üzvlük xidmətlərinə, Multikulturalizm üzrə Özünüqiymətləndirmə Alətinə, Mədəniyyətlərarası Dialoqa Dəstək Bəyannaməsi müraciətinə, tədbir qeydiyyatına və digər GUIDE xidmətlərinə daxil ola biləcəyi, Veb-sayt vasitəsilə əlçatan olan ayrıca rəqəmsal mühit — GUIDE Üzvlük Portalı nəzərdə tutulur.

Üçüncü Tərəf Xidmətləri dedikdə, Veb-sayt və ya Portalla əlaqəli olan və ya ona inteqrasiya edilmiş, GUIDE-dan başqa hüquqi və ya fiziki şəxslər tərəfindən təqdim edilən xidmətlər nəzərdə tutulur.

Fərdi Məlumatlar dedikdə, GUIDE-ın Məxfilik Siyasətində daha ətraflı müəyyən edildiyi kimi, müəyyən edilmiş və ya müəyyən edilə bilən fiziki şəxsə aid hər hansı məlumat nəzərdə tutulur.

4. Veb-saytdan istifadə

Siz Veb-sayt və Portaldan yalnız qanuni məqsədlər üçün, Azərbaycan Respublikasının qanunvericiliyinə və tətbiq edilən hər hansı beynəlxalq hüquq normalarına uyğun olaraq, GUIDE-ın missiyasına və mədəniyyətlərarası dialoq, qarşılıqlı hörmət və inklüziv əməkdaşlıq dəyərlərinə zidd olmayan tərzdə, habelə Veb-saytın və ya Portalın təhlükəsizliyini və ya fəaliyyətini pozmadan, onlara zərər vermədən və ya müdaxilə etmədən, yaxud onların hər hansı hissəsinə icazəsiz giriş əldə etməyə cəhd göstərmədən istifadə etməyə razılaşırsınız.

5. İcazə və giriş hüquqları

GUIDE sizə Veb-sayta daxil olmaq və ondan qəti şəkildə bu Şərtlərə uyğun olaraq istifadə etmək üçün məhdud, qeyri-müstəsna, ötürülə bilməyən və ləğv edilə bilən icazə verir. Bu icazə vasitəsilə Veb-sayt, Portal və ya onların Məzmununa dair heç bir mülkiyyət hüququ və ya mülkiyyət maraqları sizə ötürülmür.

Bu Şərtlər pozulduğu təqdirdə, Veb-sayta və ya Portala girişiniz qabaqcadan xəbərdarlıq edilmədən GUIDE-ın mülahizəsinə əsasən məhdudlaşdırıla və ya dayandırıla bilər.

6. Məhdudiyyətlər

Siz aşağıdakıları etməməyə razılaşırsınız: GUIDE-ın əvvəlcədən yazılı icazəsi olmadan Veb-saytın, Portalın və ya onların Məzmununun hər hansı bir hissəsini kopyalamaq, təkrar istehsal etmək, paylamaq, dəyişdirmək və ya kommersiya məqsədləri üçün istismar etmək; Veb-saytın və ya Portalın mənbə kodunu geriyə mühəndislik etmək, dekompilyasiya və ya disassembler etmək, yaxud onu əldə etməyə cəhd göstərmək; Veb-saytda və ya onun Məzmununda olan hər hansı müəllif hüququ, əmtəə nişanı və ya mülkiyyət bildirişlərini silmək və ya gizlətmək; Veb-saytdan və ya Portaldan icazəsiz təşviqat, aldadıcı və ya kommersiya məqsədləri üçün istifadə etmək; Veb-sayt və ya Portaldakı hər hansı forma və ya müraciət vasitəsilə yalan, qeyri-dəqiq və ya aldadıcı məlumat təqdim etmək; yaxud hər hansı digər şəxs və ya qurum kimi özünüzü təqdim etmək və ya hər hansı təşkilatla əlaqənizi təhrif etmək.

7. Əqli mülkiyyət

Açıq şəkildə başqa hal nəzərdə tutulmayıbsa, Veb-sayt, Portal və onların Məzmununa — o cümlədən, lakin bununla məhdudlaşmayaraq, bütün mətnlərə, təsvirlərə, qrafikalara, loqolara, audio və videolara, proqram təminatına, həmçinin onların dizaynına, seçiminə və aranjimanına — dair bütün hüquqlar GUIDE-a, onun lisenziya verənlərinə və ya digər qanuni sahiblərinə məxsusdur.

Veb-sayt, Portal və onların Məzmunu Azərbaycan Respublikasının qanunvericiliyi, habelə müvafiq beynəlxalq müəllif hüquqları, əmtəə nişanları və digər əqli mülkiyyət qanunları ilə qorunur.

Bu Şərtlərdə açıq şəkildə icazə verilmədiyi təqdirdə, Məzmun GUIDE-ın əvvəlcədən yazılı razılığı olmadan, tam və ya qismən, hər hansı formada və ya hər hansı vasitə ilə kopyalana, dəyişdirilə, təkrar istehsal edilə, çıxarıla, saxlanıla, dərc edilə, paylana və ya başqa şəkildə istifadə edilə bilməz.

8. İstifadəçi tərəfindən təqdim edilən məzmun və müraciətlər

Veb-sayt və ya Portal vasitəsilə hər hansı müraciət, forma və ya digər məzmunu — o cümlədən üzvlük müraciətləri, ölkə nümayəndəliyi üçün müraciətlər, gənclər şəbəkəsi qeydiyyatları, təcrübə və könüllülük müraciətləri, bəyannamə müraciətləri və tədbir qeydiyyatları — təqdim etməklə, təqdim etdiyiniz bütün məlumatların bildiyiniz qədərilə dəqiq və tam olduğunu və müvafiq hallarda bu cür məlumatları öz adınızdan və ya təmsil etdiyiniz təşkilat adından təqdim etmək səlahiyyətinə malik olduğunuzu təsdiq edirsiniz.

GUIDE qeyri-dəqiq, aldadıcı və ya GUIDE-ın missiyası və dəyərləri ilə uzlaşmayan hər hansı müraciəti rədd etmək, silmək və ya emal etməkdən imtina etmək hüququnu özündə saxlayır.

9. Üzvlük Portalı

Portala giriş üçün istifadəçi hesabının yaradılması tələb olunur. Siz hesabınızın giriş məlumatlarının məxfiliyinin qorunmasına və hesabınız altında baş verən bütün fəaliyyətlərə görə məsuliyyət daşıyırsınız. Hesabınızdan hər hansı icazəsiz istifadə halı barədə xəbərdar olduğunuz təqdirdə dərhal [email protected] ünvanı vasitəsilə GUIDE-a məlumat verməyə razılaşırsınız.

GUIDE bu Şərtləri pozduğu aşkar edilən və ya uzun müddət aktiv olmayan Portal hesablarını əvvəlcədən xəbərdarlıq etmədən dayandırmaq və ya ləğv etmək hüququnu özündə saxlayır.

Portal hesabı ləğv edildikdən sonra GUIDE həmin hesabla bağlı fərdi məlumatları öz Məxfilik Siyasətinə uyğun olaraq idarə edəcək.

10. Üçüncü Tərəf Xidmətləri və xarici keçidlər

Veb-sayt və Portal Üçüncü Tərəf Xidmətlərinə, o cümlədən lakin bununla məhdudlaşmayaraq, Birləşmiş Millətlər Təşkilatının Sənədlər Portalına, UNESCO resurslarına, bakuprocess.az və digər xarici platformalara giriş və ya keçidlər təmin edə bilər. Bu cür Üçüncü Tərəf Xidmətlərinə giriş və ya onlardan istifadə riski tamamilə İstifadəçinin öz üzərinə düşür.

Üçüncü Tərəf Xidmətləri vasitəsilə həyata keçirilən hər hansı qarşılıqlı əlaqə, tranzaksiya, qeydiyyat və ya fəaliyyət yalnız müvafiq üçüncü tərəf xidmət təminatçılarının şərtləri, qaydaları və məxfilik siyasətləri ilə tənzimlənəcək. GUIDE Üçüncü Tərəf Xidmətlərinə nəzarət etmir, onları idarə etmir və ya yoxlamır, habelə onların məzmunu, dəqiqliyi, əlçatanlığı, funksionallığı və ya təhlükəsizliyi ilə bağlı heç bir zəmanət vermir. GUIDE İstifadəçinin Üçüncü Tərəf Xidmətlərinə daxil olması və ya onlardan istifadəsi nəticəsində yaranan hər hansı məsuliyyətə görə cavabdehlik daşımır.

11. Kukilər

Veb-sayt istifadəçi təcrübəsini artırmaq, veb-saytın performansını təhlil etmək və xidmətlərin çatdırılmasını dəstəkləmək üçün kukilərdən və oxşar texnologiyalardan istifadə edir. Veb-sayta ilk dəfə daxil olduğunuz zaman kuki tərcihlərinizi idarə edə biləcəyiniz kuki icazəsi bildirişi göstərilir. İstifadə edilən kukilər və onların necə idarə olunduğu barədə tam məlumat üçün GUIDE-ın Məxfilik Siyasətinə müraciət edin.

12. Təkliflər və rəylər

Veb-sayt, Portal və ya GUIDE-ın proqram və xidmətləri ilə bağlı sizin tərəfinizdən GUIDE-a təqdim edilən hər hansı rəy, şərh, ideya və ya təklif GUIDE üçün həmin təqdimatlara əsasən hərəkət etmək öhdəliyi yaratmır. GUIDE öz mülahizəsinə əsasən, sizə hər hansı istinad etmək və ya kompensasiya ödəmək öhdəliyi olmadan bu cür rəylərdən istifadə edə, onları tətbiq edə və ya dərc edə bilər.

13. Veb-sayt və Portal modifikasiyaları

GUIDE əvvəlcədən xəbərdarlıq etmədən və qarşınızda heç bir öhdəlik daşımadan, öz mülahizəsinə əsasən Veb-sayt və ya Portalı, tam və ya qismən, müvəqqəti və ya daimi olaraq dəyişdirmək, dayandırmaq və ya fəaliyyətinə xitam vermək hüququnu özündə saxlayır. GUIDE həmçinin vaxtaşırı olaraq Veb-sayta və ya Portala müvafiq xidmətin ayrılmaz hissəsi hesab ediləcək və bu Şərtlərlə tənzimlənməyə davam edəcək yeniləmələr, təkmilləşdirmələr və ya əlavələr təqdim edə bilər.

14. Zəmanətdən imtina

Veb-sayt və Portal "olduğu kimi" və "mövcud olduğu kimi" əsasında təqdim edilir. Tətbiq edilən qanunvericiliyin icazə verdiyi ən geniş miqyasda GUIDE Məzmunun dəqiqliyi, etibarlılığı, əlçatanlığı, tamlığı və ya müəyyən məqsədə uyğunluğu ilə bağlı hər hansı zəmanətlər daxil olmaqla bütün açıq və gizli zəmanətlərdən imtina edir və bununla bağlı heç bir öhdəlik götürmür. GUIDE Veb-saytın və ya Portalın fasiləsiz işləyəcəyinə, xətalardan, viruslardan və ya digər zərərli komponentlərdən azad olacağına zəmanət vermir.

15. Məsuliyyətin məhdudlaşdırılması

Tətbiq edilən qanunvericiliyin icazə verdiyi ən geniş miqyasda GUIDE bu cür zərərlərin ehtimalı barədə xəbərdar edilmiş olsa belə, Veb-saytdan, Portaldan və ya onların Məzmunundan istifadə və ya istifadə edə bilməmək nəticəsində yaranan hər hansı birbaşa, dolayısı, təsadüfi, xüsusi və ya nəticə etibarilə yaranan zərərlərə görə məsuliyyət daşımır.

16. Mübahisə bildirişi

Bu Şərtlər, Veb-sayt və ya Portal ilə əlaqədar sizinlə GUIDE arasında mübahisə yarandığı təqdirdə, tərəflərdən biri digərinə bildirişi təqdim edən tərəfin adını və əlaqə məlumatlarını, mübahisəyə səbəb olan faktların təsvirini və tələb olunan spesifik həll yolunun bəyanını özündə əks etdirən yazılı Mübahisə Bildirişi təqdim etməlidir. Mübahisə Bildirişləri [email protected] ünvanına göndərilməlidir. Hər iki tərəf Mübahisə Bildirişinin təqdim edildiyi tarixdən etibarən altmış gün ərzində hər hansı mübahisəni qeyri-rəsmi danışıqlar yolu ilə həll etməyə çalışmalıdır. Mübahisə həmin müddət ərzində həll olunmazsa, tərəflərdən hər hansı biri məhkəmə prosesinə başlaya bilər.

17. Tətbiq edilən hüquq və yurisdiksiya

Bu Şərtlər və onlardan irəli gələn və ya onlarla əlaqədar yaranan hər hansı mübahisə və ya iddia Azərbaycan Respublikasının qanunvericiliyinə əsasən tənzimlənəcək və təfsir ediləcəkdir. Sülh yolu ilə həll edilə bilməyən mübahisələr Azərbaycan Respublikası məhkəmələrinin yurisdiksiyasına tabe olacaqdır.

18. Müddəaların müstəqilliyi

Əgər bu Şərtlərin hər hansı bir müddəası və ya hissəsi səlahiyyətli məhkəmə tərəfindən icraolunmaz hesab edilərsə, bu Şərtlərin qalan hissəsi tam hüquqi qüvvəsində qalacaqdır.

19. Bütöv razılaşma

Bu Şərtlər GUIDE-ın Məxfilik Siyasəti ilə birlikdə Veb-sayt və Portaldan istifadənizlə bağlı sizinlə GUIDE arasındakı bütöv razılaşmanı təşkil edir və eyni mövzuya aid bütün əvvəlki razılaşmaları və anlaşmaları əvəz edir.

20. Əlaqə

Bu Şərtlərlə bağlı hər hansı sualınız olarsa, xahiş edirik əlaqə saxlayın: [email protected]