“Mədəniyyət vasitəsilə davamlı sülh yaradaq!” Beynəlxalq Forumu Azərbaycan Respublikası Mədəniyyət Nazirliyinin dəstəyi və Mədəniyyətlərarası Dialoq naminə Qlobal İttifaqın (GUIDE) tərəfdaşlığı ilə Azərbaycan Demokratik Tələbə Gənclər Təşkilatı (ADTGT) tərəfindən təşkil olunacaq.
Dörd gün ərzində Bakıda keçirilən “Mədəniyyət vasitəsilə davamlı sülh yaradaq!” Beynəlxalq Forumu 10 ölkədən QHT rəhbərlərini, gənc liderləri, hökumət və beynəlxalq təşkilatların nümayəndələrini, ekspertləri və vətəndaş cəmiyyəti təmsilçilərini bir araya gətirəcək. "Bakı Prosesi" çərçivəsində təşkil edilən Forumun məqsədi Azərbaycanın mədəniyyətlərarası və sivilizasiyalararası dialoq modelini təşviq etmək, xarici və yerli vətəndaş cəmiyyəti institutları arasında dayanıqlı əməkdaşlığı inkişaf etdirməkdir.
